Kulan 3 geesood ah oo xalay qasriga madaxtooyada ku dhaxmaray Shariif Axmed jawaari iyo Xasan Sheekh Maxamuud

9/12/2012 2:49:00 P

Kulan sedex geesood ahaa ayaa xalay ka dhacay xarunta Madaxtooyada ee Villa Somalia kaasoo dhexmaray Madaxweynaha Soomaaliya Dr.Xasan Sheekh Maxamuud ,


Gudoomiyaha Baarlamaanka Soomaaliya Prof.Maxamed Cusmaan Jawaari iyo Madaxweynihii hore Shariif Sheekh Axmed.

Inkastoo shirku ahaa mid saxaafadu dibad joog ka ahayd ayaa hadana wararka hoose ee la helayo waxay sheegayaan in laga wada hadlay isbadalka ku yimid dowlada iyo sida shariif looga baahan yahay inuu Madaxweynaha cusub Dr.Xasan sheekh la shaqeeyo inta uu kala qabsanayo maamulka.

Gudoomiyaha Baarlamaanka Prof.Maxamed Sheekh Cusmaan oo rug cadaa ah ayaa la sheegay inuu ku dadaalayay sidii shaqadii madaxtooyada ka socotay ay u sii shaqeyso dar darna loo gelin lahaa sidaa daraadeedna uu ka codsaday Madaxweynihii hore inuu la gacan siiyo madaxweynaha cusub oo wali aan xilka wareejin.

Madaxweyne shariif oo wali qasriga madaxtooyada maamulaya kuna sugan ayaa xalay si weyn xafiiska madaxtooyada waxaa uu ugu soo dhaweeyay madaxweynaha iyo gudoomiyaha cusub ee baarlamaanka halkaasoo ay wadahadalo gaar ah ku qaateen.

Wararka ayaa intaasi ku daraya in Madaxweynaha cusub uu aad ugu amaanay shaeiif horumarkii uu ka gaaray dhanka amaanka iyo horu socodka kale ee dowalada KMG ahayd.

Madaweynihii hore Shariif ayaa isna balan qaaday inuu la shaqeyn doono madaxwenaha cusub islamarkaana uu diyaar ula yahay inuu gacan ka siiyo wax kasta oo isaga uu uga baahan yahay.
Kulanka xalay ayaa noqonaya kii ugu horeeyay ee madaxweynaha cusubi uu la yeeho madaxweynihii hore marka la eego 24 saac kadib markii la doortay.
 


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com