Warbixin dheeraad ah oo ka soo baxaysa qaraxii ka dhacay Muqdisho ee ay ku dhinteen siyaasiyiin, wariyeyaal iyo dad kale.(DAAWO SAWIRADA NAXDINTA LEH iyo VIDEO )

9/21/2012 3:29:00 P


Weerarkii Ismiidaaminta ahaa ee xalay maqribkii ka dhacay Maqaaxi ku taala Gurigii Hooyooyinka ka soo horjeedka Tiyaatarka Muqdisho ayaa dadka ku dhintay ay tiradooda sii korodhay

Weerarkii Ismiidaaminta ahaa ee xalay maqribkii ka dhacay Maqaaxi ku taala Gurigii Hooyooyinka ka soo horjeedka Tiyaatarka Muqdisho ayaa dadka ku dhintay ay tiradooda sii korodhay

 waxaana la sheegayaa in 18 ruux ay gaarayaan dadka dhintay.
Labo qof oo naftood ku  xirxiray walxaha qarxa ayaa waxay ka geysteen maqaaxidaasi labo qarax oo daqiiqado is xigxigay fuliyey qaraxyada.
Dadka dhintay ayaa isugu jira saxafiyiin, siyaasiyiin, shaqaalo hay’ado samafal, shaqaalaha Maqaaxida iyo dad shacab ah,


waxaana dadka dhintay ka mid ahaa Liibaan Cali Nuur oo ahaa Madaxa Wararka Telefishinka Qaranka, C/sataar Daahir Sabriye oo ahaa Madaxa Barnaamijyada Idaacadda iyo Telefishinka Qaranka, C/raxmaan Yaasiin oo ahaa agaasimihii Idaacadda VOD ee magaalada Muqdisho.

Sidoo kale dadka ku dhintay qaraxaas ayaa waxaa ka mid ah Xildhibaan aan wali la dhaarin oo lagu magacaabo Maxamed Xersi Dhuunkaal, Siyaasiga Maxamed Yarow oo horay u soo noqday Guddoomiye ku-xigeenka dhinaca Maaliyadda Maamulka Gobolka Banaadir, labo shaqaale Hey’ad Samafal, saddex shaqaalaha baarka iyo dad kale oo shacab ah oo maqaayadda ka qaxweynayay.

Qaraxaa oo ay geysteen labo ruux oo ismiidaamiyay ayaa waxaa la sheegayaa in mid ka mid ah uu is qarxiyey markii uu qaraxa koowaad dhacay isagoo dadkii soo cararay ee argagaxsanaa u istaagay albaabad hore ee maqaaxida si aanay qofna uga baxsan, waxayna saraakiisha ciidamada dowladdu sheegeen in uu jiray mid kale oo bambooyinka gacanta ku hubeysnaa oo isna Bamam tuuray kaasoo la sheegay in uu baxsaday.


Wariyayaasha Qaraxa ku dhaawacmay oo tiradooda  iyagana gaarayay ku dhawaad 10 ruux ayaa waxaa ka mid ahaa C/qaadir Axmed Timoos oo Radio Muqdisho u shaqeynayay, Maxamed Bishaar oo Radio Mustaqbal u shaqeynayay, Maxamed Xuseen Jentelman oo Radio Muqdisho u shaqeynayay, C/kariin Guutaale oo Radio VOD u shaqeynayay, C/llaahi Maxamed Cali (Suldaan) oo Radio Kulmiye u shaqeynayay iyo kuwo kale.


Goobta qaraxa ka dhacay ayaa waxay ahayd Maqaaxi ay inta badan ku kulmaan wariyayaasha xilliyada ay wararka raadinayaan iyo marka ay shaqooyinka soo gutaan si ay ugu kala war qaataan, iyadoo sidoo kale ay isugu tagi jireen siyaasiyiin iyo shaqaalaha dowladda iyo weliba dad rayid ah.


Qaraxan oo ah midkii ugu qasaaraha badnaa ee goob kaliya ka dhaca tan iyo markii la doortay madaxweyne Xasan Sheekh Maxamuud ayaa sidoo kale waxaa jiray in xaafado ka mid ah magaalada Muqdisho madaafiic lagu garaacay habeen hore, weerarkaasoo dad rayid ah ay ku waxyeeloobeen.





 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com