Idaacada Shabelle oo lagu Maxkamadaynayo warar ay beehisay oo Been Abuur lagu sheegay iyo in ay shacabka iska horkeento

11/20/2012 10:08:00

gudoomiyaha gobolka Banaadir ahna duqa magaalada Muqdisho Maxamuud Axmed Nuur tarsan


Max’uud Axmed Nuur (Tarsan) gudoomiyaha gobolka Banaadir ahna duqa magaalada Muqdisho ayaa xeer ilaalinta guud ee Qaranka u gudbiyey dacwad ka dhan ah Idaacada Shabelle oo ka mid ah warbaahinta madaxa banaan ee ka howlgasha Muqdisho. 

Gudoomiye Tarsan ayaa sheegay in idaacadaasi ay mudooyinkanba waday faafinta warar been abuur ah oo lagu waxyeeleynayo sumcada madax ka tirsan dowlada Somalia oo isagu uu ugu horeeyo.

Tarzan ayaa sheegay in idaacadaas aysan ku dhaqmin anshaxa saxaafada ayna baahiso warar iska horkeena shacabka Soomaaliyed kuwasoo wax u dhimaya ayuu yiri dib u heshiisiinta iyo nabada ka hana qaaday caasimada, isaagoo ku baaqay in talaabo sharciga waafaqsan laga qaado idaacadaasi.

Idaacada Shabelle ayaa mudooyinkan ku caan baxday baahinta warar ka dhan ah gudoomiyaha gobolka Banaadir, iyagoo maalin walba wararkooda ku soo dara warbixino si toos ah oo shaqsi ah ay ugu weerarayaan masuulkaas, taasoo dad badan la yaab ku noqotay.

Warar kale oo xiiso leh halkaan ka aqriso.


FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.

Fikirkaaga hoos kadhiibo:





Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com