Kenya oo dareen xoogan ka qaaday Kulankii madaxweyne Xasan Sheekh Maxamuud iyo raiisul Wasaaraha dalka Ethiopia Haile mariam Dessalegn

12/2/2012 3:28:00 P

ii madaxweynaha Jamhuuriyada Federaalka Soomaaliya Professor Xasan Sheekh Maxamuud iyo ra’iisul Wasaaraha dalka Ethiopia Haile mariam Dessalegn ee ka dhacay magaalada Adis Ababa 28-kii December 2012


Dowlada Kenya oo ciidamadeedu ka mid yihiin kuwa nabad ilaalinta midowga Africa AMISOM oo tan iyo markii ay la wareegeen Magaalada Kismaayo ay ka muuqatay in wataan hadaf iyaga gooni u ah dhowr marna digniin uga timid Saraakiisha sar sare ee AMISOM ayaa ay iminka la soo deristay xaaladku dhisan jahara wareer siyaasadeed.

Kulankii madaxweynaha Jamhuuriyada Federaalka Soomaaliya Professor Xasan Sheekh Maxamuud iyo ra’iisul Wasaaraha dalka Ethiopia Haile mariam Dessalegn ee ka dhacay magaalada Adis Ababa 28-kii December 2012 ayaa shaki xoog leh galiyay dowlada Kenya oo bilihii ugu dambeeyay ku jirtay go’doon siyaasadeed tan iyo markii lciidamadeeda lagu eedeeyay in ay doonayaan in gobolada Jubooyinka gacanta u geliyaan beesha Ogaadeen taas oo ka careysiisay Dowladaha Ethiopia iyo Soomaaliya.
Dhinaca kale Dowlada Kenya ayaa caro xoog leh ka muujisay kolkii uu madax weynaha Jamhuuriyada Soomaaliya uu booqday dalalka deriska ah Ethiopia iyo Djibouti oo uu dalkeeda cagta soo dhigi waayay , waxeyna Kenya arintan ku dhalisay in ay dib uga fiirsadaan maxsuulka kasoo baxay siyaasadooda ku aadan gobolada Jubooyimka , iyadoo qaar kamid siyaasiyiintasar sare ee Dowlada Kenya ku eedeeyeen Gudoomiye ku xigeenka Baarlamaanka Kenya Faarax Macalin iyo WAsiirka Gaashaandhiga Yuusuf Xaaji oo kasoo jeeda beesha Ogaadeen lugahana u geliyay dagaalka gobolada jubooyinka oo ay isku heystaanqabiilobadan oo Soomaaliyeed.
Dowlada Ethiopia ayaa si aad ah uga xumaatay kadib markii ay ogaatay in ciidamada Kenya ay la socdaan saraakiil sar sare oo ONLF ah tiradoodana gaareyso 30 iyo waliba maleeshiyooin fara badan kuwaas oo doonaya in ay gobolada Jubooyinka ka dhigtaan fariisin ay kaga duulaan dalka Ethiopia , waxeyna dowlada Ethiopia haatan qorsheyneysaa sidii ay talaabo cad uga qaadi laheyd waxa ay ugu yeertay Argagixisada Onlf.

Warar kale oo xiiso leh halkaan ka aqriso.


FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.

Fikirkaaga hoos kadhiibo:





Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com