kambala iyo waxay kala xushaan kenya taladeede (gabay by xagaleey )

12/3/2012 7:16:00 A

waataad i kuurteen intaad kiis isaarteene kullu yoom kun bay keenayaan leysku kululeeye bal yaa kicin hadeydaan kaceyn maba kacdoontaane


  • Sida kabash kartoomaysanoo dawo ku koobnaatay
  • koox baarlabaankii qurbaha laga kaxeynaayey
  • kuraasta kaligood raggii lagu kalsoonaaday
  • kal iyo laab kuwii aad dhahdeen kaalintood weeye
  • sidii kuwii horeetoo kalaa kooras loo dhigaye
  • halkii lagu karaantiilay bay keyd kuqaataane
  • kampala iyo waxay kala xushaan kenya taladeede
  • --
  • kaarihii ayeey saaran yiin lagu kormeeraahe
  • kolba kiiski loomeeriyeey kooram fuliyaane
  • kor utaag gacmahaa ladhihi kowna yuu harine
  • kala doorta baa lagu yiraa kaane iyo eeye
  • hadba koodhka laayaan mid suran kabaha looqaadye
  • kalaguurki weeyaa layiri kooxya meesheede
  • kud iyo qanjaa lootartamay kamasla yaashiiye
  • hadba qabiil kadsoomaa ku oran kaalay nala duule
  • haddeey awal kireysnaan jireen kiciba maayaane
  • kulalihi ayeey taagan tahay laysku kululeeye
  • kaftan buu amxaarkii kudegay koonfur soomaale
  • ----
  • kalifyey naftiisiye markuu kaabo kaabeeyey
  • kulbiyoow anagaa katalin kalimaddii faarax
  • kood koodintoodii badnayd kaadso laga waaye
  • wixii keynti taabtood kuhelay kenya may filane
  • konton bilood goortay fadheen lagu kurgoynaayey
  • kaliishiyo wixii kaar helay kini kasheekeyne
  • kaalmadii yuhuud iyo haddaan kufri kasoo gaarin
  • kabeebey kumay tuman lahayn degmo kismaayoode
  • kufogaanba maaye e waxaan gabay kusoo koobay
  • kaartadan gumaysiga kolhore baan kasii digaye
  • goortaan kacooy idin lahaa waad i karahdeene
  • intuu koorta idin saarayaad wada kas beesheene
  • sida aan kadeed gaara qabo keli markaan duulay
  • waataad i kuurteen intaad kiis isaarteene
  • kullu yoom kun bay keenayaan leysku kululeeye
  • bal yaa kicin hadeydaan kaceyn maba kacdoontaane
  • w/t: xagaleey


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com