magaalada Jowhar oo Gacanta u gashay ciidamada AMISOM iyo kuwa dowlada

12/9/2012 2:54:00 P

Sida warku sheegayo ciidamada AMISOM iyo kuwa dowladda Soomaaliya ayaa gudaha u galay magaalada abaare shantii saac ee saakay, waxaana la sheegay in markii ay gudaha magaalada galeen ay duba fariisimo ka sameysteen labada kontarool ee magaalada


Wararka ka imaanaya magaalada Jowhar ee xarunta gobolka Sh/dhexe ayaa waxay sheegayaan in ciidamada dowladda Soomaaliya iyo kuwa AMISOM ay saacad ka hor si rasmi ah ula wareegeen gacan ku heynta magaalada ka dib markii ay magaalada isaga baxeen ciidamadii Xarakada Al-shabaab ee magaalada Horay gacanta ugu hayey.

Sida warku sheegayo ciidamada AMISOM iyo kuwa dowladda Soomaaliya ayaa gudaha u galay magaalada abaare shantii saac ee saakay, waxaana la sheegay in markii ay gudaha magaalada galeen ay duba fariisimo ka sameysteen labada kontarool ee magaalada laga soo kala galo ee Koongo iyo Abishir Cali-guure, waxayna baaritaano kala duwan ka sameeyeen gudaha magaalada ciidamadu markii ay qabsadeen.
Warku wuxuu intaasi ku darayaa in ciidamada qabsaday magaalada Jowhar u u sii talaabeen dhinaca degmada Mahadaay oo ay isla saakay qabsadeen halkaasi, waxaana haatan magaalada Jowhar ka socda baartitaano kala duwan oo ay sameynayaan ciidamada AMISOM iyo kuwa dowladda Soomaaliya, iyadoo saraakiisha hogaamisa ciidamadu ay ku amreen dadka degmada Jowhar inay is dejiyaan oo aysan wax dhib ah la kulmi-doonin.




Warar kale oo xiiso leh halkaan ka aqriso.


FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.

Fikirkaaga hoos kadhiibo:





Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com