Wafdi uu hogaaminayo wasiirka gaashaandhiga oo gaaray Magaalada Jowhar

12/10/2012 5:05:00

Safar dhinaca dhulka ah ayay wasiirka iyo saraakiisha la socotay ku tageen degmada Jowhar, wuxuuna sheegay wasiirku inay si nabadgelyo ah ku tageen degmada Jowhar, ayna dadka ku nool si wanaagsan u soo dhaweeyeen.


Wasiirka Gaashaandhigga dowladda Soomaaliya C/xakiin Maxamuud Xaaji Fiqi iyo wafdi saraakiil ah oo uu hoggaaminayo ayaa maanta gaaray degmada Jowhar ee xarunta gobolka Shabeelaha dhexe halkaasoo ay shalay ciidamada dowladda iyo kuwa AMISOM kala wareegeen xoogaggii Al-shabaab oo heystay muddo saddex sano ah.

Safar dhinaca dhulka ah ayay wasiirka iyo saraakiisha la socotay ku tageen degmada Jowhar, wuxuuna sheegay wasiirku inay si nabadgelyo ah ku tageen degmada Jowhar, ayna dadka ku nool si wanaagsan u soo dhaweeyeen.
Waxa uu sheegay inuu ku faraxsan yahay in degmada Jowhar uu ku tago safarkiisii ugu horreeyay, wuxuuna xusay in xaaladda degmada ay tahay mid aad u wanaagsan.
Waxa uu Wasiirku sheegay in ciidamada dowladda oo kaashanaya kuwa AMISOM ay u sii gudbeean gobolka Hiiraan ayna qorsheynayaan inay qabtaan degmada Buula-burde oo deris la ah gobolka Shabeellaha dhexe.
Ciidamada dowladda iyo kuwa AMISOM oo is garabsanaya ayaa shalay labada dhinac ee laga soo galo magaalada Jowhar ka galay iyadoo aanay jirin wax iska cabin ah oo lagala horyimid kadib markii xoogaga Al-shabaab ay isaga bexeen magaaladaas iyagoon dagaalamin.
Dadweynaha ku nool degmada Jowhar ayaa sheegay in xaaladdu ay tahay mid degan, iyagoo xusay inaysan jirin wax dhibaatooyin ah oo ay ciidamada dowladda kala kulmeen, waxaana maanta dib u furmay goobaha ganacsiga iyo waxbarashada xilli shalay ay goobahaasi xirnaayeen.


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com