xoghayaha Guud ee Safiirka Soomaaliya ee dalka Turkiga oo Muqdisho soo dhaweyn loogu sameeyey

1/13/2013 2:10:00 P

C/qaadir M.Nuur waxaa uu sheegay inuu Xamar u yimid shir wasaarada arimaha dibada Soomaaliya ay isugu yeertay dhamaan howlwadeenada safaaradaha Soomaaliya ee dunida ku kala yaal kaasoo looga hadli doono arimo wasiirka arimaha dibada ay shirka ka sheegi doonto.


Waxaa Magaalada Muqdisho lagu soo dhaweeyay xoghayaha Guud ee Safiirka Soomaaliya ee dalka Turkiga C/qaadir Maxamed Nuur ( Jaamac ) kaa soo ka soo degay garoonka diyaaradaha adan cade ee Muqdisho.

Mas’uulkaani oo markii lagu soo dhaweetat garoonka diyaaradaha Aadan Cadde la hadlay saxaafada ayaa u sheegay inuu ku faraxsan yahay sida Dowladu u soo dhaweysay waxaana uu sharaxaad ka bixiyay ujeedka uu Muqdisho u soo gaaray madaama uu ka howlgalayay safaarada Soomaaliya ee dalka Turkiga.
C/qaadir M.Nuur waxaa uu sheegay inuu Xamar u yimid shir wasaarada arimaha dibada Soomaaliya ay isugu yeertay dhamaan howlwadeenada safaaradaha Soomaaliya ee dunida ku kala yaal kaasoo looga hadli doono arimo wasiirka arimaha dibada ay shirka ka sheegi doonto.
“waxaan ku faraxsanahay in wasiiro iyo xildhibaano Dowlada ka tirsan ay igu soo dhaweeyaan dalka,waxaana u nimid shir wasaarada arimaha dibadu noogu yertay inay muqdisho u nimaadno”ayuu yiri C/qaadir Maxamed Nuur ( Jaamac )
Mar uu saxaafada wax ka weydiisaya waxqabadkooda ka safaarad ahaan ayuu tilmaamay inay shaqo adag qabtaan sida ka shaqeynta xiriirka labada Dowladood isagoo tusaale u soo qaatay guud ahaan safarada madaxdu ku tagaan dalka turkiga inay iyagu diyaariyaan sidii kale soomaalida u safarta dalkaasi inay u fududeeyaan wixiii isku xir ah .
Sidoo kale mar uu ka hadlayay ardeyda Soomaaliyeed ee d alka Turkiga waxbarashada u joogta ayuu sheegay inay ka war hayaan ayna u adeegaan dhamaan wixii ay safaarada uga baahdaan,sidoo kale ay ku dhiiri geliyaan sidii ay dalka ugu laaban lahaayeen marka ay wax bartaan.
“haa ardeyda Soomaaliyeed ee dalka Turkiga waan ka war heynaa xaaladooda caafimaad iyo mida wax barasho”ayuu yiri xoghayaha safiirka Soomaaliya ee dalka Turkiga kaasoo Muqdisho soo gaaray


FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com