dalka Faransiiska oo amaankiisa adkeynaya si looga hortago weerar ka dib markii ciidamada Faransiiska ay howlgalo ka fuliyeen dalalka Soomaaliya iyo Mali

1/13/2013 2:13:00 P

Mr. Hollande ayaa sheegay inay jiri doonaan ilaalin dheerad ah oo lagu sameeyo sida uu yiri goobaha bulshada iyo gaadiidka dadwaynaha si looga hortago qaraxyo iyo weeraro ka yimaada dhinacyadii weerarka ay ku qaadeen ciidamadooda, wuxuuna sheegay in heegan sare la geliyey ciidamadooda kala duwan.


Madaxweynaha dowladda Faransiiska Francois Hollande ayaa sheegay inuu adkeyn doono ammaanka dalka Faransiiska si looga hortago weerar ka dib markii ciidamada Faransiiska ay howlgalo ka fuliyeen dalalka Soomaaliya iyo Mali kuwaas oo ay kadhasheen dhimasho iyo dhaawac soo kala gaaray dhinacydii dagaalamay oo uu Faransiisku ku jiro.

 Mr. Hollande ayaa sheegay inay jiri doonaan ilaalin dheerad ah oo lagu sameeyo sida uu yiri goobaha bulshada iyo gaadiidka dadwaynaha si looga hortago qaraxyo iyo weeraro ka yimaada dhinacyadii weerarka ay ku qaadeen ciidamadooda, wuxuuna sheegay in heegan sare la geliyey ciidamadooda kala duwan.
Dalka Mali ciidamada Faransiiska waxay weerar cirka ku qaadeen ciidamada  islaamiyiinta ee la wareegay waqooyiga iyo bartamaha dalkaasi, wuxuuna Madaxweynaha Farsiisku ku dooday inay khasaaro u gayteen waxa uu ugu yeeray  cadawgooda laakiin aysan howshu wali dhamaan.
Ciidamada dowladda Mali ayaa sheegay inay dib u qabsadeen magaalada Konna iyagoo kaashanaya ciidamada Faransiiska, waxay sheegeen inay dileen illaa boqol ka mid kooxaha mucaardka, iyadoo dhinaca kale la sheegay in dagaalkii shalay ka dhacay dalka Maali lagu dilay 71 ka mid ciidamada dowladda Maali, waxaana jira cabsi ku saabsan dagaalo dheeraad ah oo lagu cabso ka qabo inay ka dhacaan gudah dalka Maali, iyadoo Faransiisku uu sidoo kale sheegay in ciidamo si gaar ah u tababaran uu u dirayo dalka Maali si ay gacan u siiyaan ciidamada dalalka Naajeeriya, Sinigaal, iyo ciidamada dalka Maali oo iyaga gacan la siinayo


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com