Laanta Socdaalka iyo Jinsiyadaha oo lagu amaanay howlaha ay ka qabato garoonka Aadan cadde ( DAAWO SAWIRADA )

1/27/2013 3:23:00 P

Qurba joogta, ganacsatada shirkadaha dayuuradaha iyo dadweynaha Soomaaliyeed ayaa si weyn ugu amaanay howlaha kala duwan ee laanta socdaalka iyo Jinsiyadaha dowlada Somalia ay ka wado garoonka dayuuradaha Aadan cadde ee magaalada Muqdisho



ka socda garoonka Aadan cadde ayaa sii xoogeysanayey mudooyinkan ka dib markii ay sii kordheen dadweynaha Soomaaliyeed ee u kala goosha dalka gudihiisa iyo dibediisa taasoo keentay in laanta socdaalka iyo jinsiyadsaha ay balaariso howlaha ay ka heyso garoonka.


“Markii aan ka soo baxaayey London waxaan qiyaasayey inaan ka degi doono meel burburtay maadaama dalka dagaalo badan ay ka dhaceen hase ahaatee markii aan ka soo degay garoonka Aadan cadde waxaan la kulmay wixii aan filaayey wax ka bedelan, waxaan arkay meel qurux badan iyo adeegyo cajiib ah” sidaas waxaa yiri C/raxmaan Aasbaro oo ka mid ah qurba joogta dhowaanahan ku soo laabanayey dalka.
Laanta socdaalka iyo jinsiyadaha ee ayaa garoonka ku xirtay qalab casri ah oo isugu jira mishiino lagu baarayo rakaabka dayuuradaha raacaya, kuwa soo degaya iyo alaabooyinka kuwaasoo la mid ah kuwo laga isticmaalo garoomada caalamka ugu horumarsan.

Sidoo kale laanta socdaalka iyo Jinsiyadaha ayaa ku xirtay guud ahaan garoonka dayuuradaha gudihiisa kaamirooyin fara badan oo casri ah, kuwaasoo lagula soconayo dhaaqdhaqaaqa dadka ku jira gudaha iyo hareeraha garoonka si loo sugo amaanka rakaabka iyo dayuuradaha maalin walba yimaada taasoo keentay in kalsooni badan lagu qabo amniga.

Dadka safareyda ah ee isticmaala garoonka Aadan cadde ayaa u riqaaqay sida laanta socdaalka iyo jinsiyasadaha ay ugu fududeyso howlahooda marka ay dhoofayaan ama ka soo degayaan, iyagoo xusay in garoonka ay joogaan shaqaale hufan oo loo carbiyey howlaha soo dhoweynta iyo adeega.

Laanta socdaalka iyo jinsiyadaha ayaa dhowaan ku kordhisay garoonka Aadan cadde dhisme balaaran oo loogu talo galay tababarada shaqaalaha ka howlgala garoonka si howlaha ay bulshada u hayaan y noqdan kuwo lagu qanco sida uu sheegay Jen. C/llaahi Gaafow Maxamuud taliyaha laanta socdaalka iyo jinsiyadaha oo balan qaaday iney sii xoojin doonaan howlaha ay ka wadaan garoonka Aadan cadde


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com