Xeradii dhadhaab iyo markaan uxusul duubeynay, xuurtada xayeesigu markuu xaalku ku adkaadayţ Gabay

1/31/2013 10:14:00

Xaraf adagta xaajadu marbay kula xad dhaaftaaye


Xaraf adagta xaajadu marbay kula xad dhaaftaaye

xeeb iyo marbay kula gashaa xeys wax qaadaahe
xasaasiyo marbay kugu ridaa ood xeerka jebisaaye
anse goorta ay xaadirtaan xasil ku meershaaye

xilliyadii colaadaha wixii xamar kasoo muuqday
xulufeysigi dagaaladi isxigay xinjirihii daatay
xabaalaha waxaan aasnay oon ciid kusii xaarnay
xabbadaha intii laysla dhacay lama xisaabeyne
xulashada shisheeyuhu wuxuu xukun inoo saaray
xigashada wuxuu xeer lagalay niman xamuul qaada
xagxagashada wixii aan in badan wada xabeebeynay
xujo maalki lays qoonsadiyo xilalki reeroobay
naf xakaartay mooyee cidkale uma xisaabneyne
xuduudaha markaan furanayoon xaafad kala oodnay
xalkuna galay xabishidii sida xabiib sheegay
xaanshiyahaan saxiixniyo wixii xaajo daba yaalay
xuub caaro xaasidkeen markuu xashirta nagu aasay
xaalufeynta badihii markuu xoog kuwada qaatay
naf xakaartay mooyee cidkale uma xisaabneyne
xaashaa lillaahiye soow inaan xusaa maaha

xayo iyo kasii xagga markii xero naloo ooday
xaragada markay liidatoon uxusul duubaynay
xuurtada xayeesigu markuu xaalku ku adkaaday
intii xabad uroonayd markay xaadirtee gaartay
xushmo darro wixii naga qabsaday woow xogheynaaye
isximbaarna waatuu xigiyo xeeb kafuul doone
naf xakaartay mooyee cidkale uma xisaabneyne
xaqiraadda bani aadamnimiyo xin wixii muuqday
xamaqnimo kenyaatigaa lala xiriirshaaye
xanna maaha xaqiiqdii jirtay waa xanuun yaale
askar wada xubeyra ah markii nagulasoo xoomshay
xeyn xeyn markii noola xiray xabsiyadii townka
xawilaad kasoo qaad markeey xukun la,aan gaartay
xooleey kasii qaadayeen dumarkay xoogeene
xariiq dab ah raggii lagu shidaan lagaba xaaleyne
naf xakaartay mooyee cidkale uma xisaabneyne
xaashaa lillaahiy soow inaan xusaa maaha
xargag leef markay gaartay iyo xanan lahoos seexdo
xagal liicsan mooyee markay xulusba ay muuqan
xigaaliyo markay kala lumeen xigto walaalaaba
xarbigii xaarxaar lagalay xaano jiif keeda
xishood li,ida beel caalam ay nagu xasuuqeysay
sidii xaabadeey nooshideen nameey xurmeyneyne
xaaraan ugadhiyo wuxuu xasad amxaar geystay
naf xakaartay mooyee cidkale umay xisaabneyne
xaashaa lillaahiye soow inaan xusaa maaha
w/t, xagaleey


 FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.




Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com