Hey’adda WFP Oo dib Uga Shaqa Bilaawdey Magaalada Kismaayo

1/31/2013 10:32:00

Waa wax aad muhiim u ah inaan mar kale awoodno inaan Kismaayo ka shaqeyno, iyadoo qiimeynteennii dhowaan aan ku sameynay xaaladda cuntada iyo nafaqada ay muujineyso inay jirto baahi weyn," Ayaa wax ka wareesatey Somalisan.com. Stefano Parrett, oo ah wakiilka WFP ee Soomaaliya


Hay`adda QM ee cuntada ayaa dib u billowday in gargaar cunto ay gaarsiiso magaalada Koofurta Soomaaliya ku taalla ee Kismaayo, markii ugu horreysay muddo afar sano ah. Isku dhacyo iyo amaan darro ayaa ka hor istaagay WFP iyo hay`ado kale oo gargaar inay deegaankaas ka shaqeeyaan, balse amaanka oo haatan soo wanaagsanaaday ayaa suurto gal ka dhigay in la gaaro dadka ugu nugul ee Kismaayo ku nool.

Qiimeyn dhowaan la sameeyay ayaa tusineysa in heerar sare ay gaareen cunno yaraanta iyo nafaqo darrada ka jirta magaalada. WFP ayaa halkaas gaarsiineysa cunto diyaarsan dad gaaraya ilaa 16,000 oo qof iyo taageero nafaqeyn gaar u ah 7,000 oo hooyooyin iyo carruur ka yar da`da shanta sano ah.

"Waa wax aad muhiim u ah inaan mar kale awoodno inaan Kismaayo ka shaqeyno, iyadoo qiimeynteennii dhowaan aan ku sameynay xaaladda cuntada iyo nafaqada ay muujineyso inay jirto baahi weyn," Ayaa wax ka wareesatey Somalisan.com. Stefano Parrett, oo ah wakiilka WFP ee Soomaaliya.

"Qiimeyntuna waxay tusisay in kala bar dadka deggan Kismaayo ay u halgamayaan helidda baahiyaha nolol maalmeedkooda, boqolkiiba 24 carruurta ka hooseysa shanta sanana ay nafaqo darro heysato." Ayuu mar kale yiri.

WFP ayaa shan xarumo quudin gaar ah ka sameysay agagaarka Kismaayo, halkaasoo haweenka uurka leh, kuwa kalkaalisooyinka ah iyo carruurta yar yar loogu sameynayo baaritaan dhanka nafaqo darrada ah. Haddii lagu arko nafaqo darro aad u daranna waxaa hore laga siinayaa nafaqooyin diyaarsan oo ay maalin walba qaataan. Saddex meel ka meel dadka daryeelka u baahann ee carruurta yar yar ah

WFP waxay haatan saddex xarumo oo lagu qeybiyo cunto diyaarsan ku leedahay Kismaayo, mid walbana waxay cunto diyaarsan siisaa ilaa 5,000 oo qof maalin walba. Tan iyo intuu barnaamijku billowday horraantii bishan, tiro badan oo dad ah ayaa xarumahaas yimaada, in la siiyo cunto la kariyay oo diyaarsanna waxaa loo arkaa mid badbaado u ah intii la siin lahaa cuntooyin qalallan oo laga yaabo in dad tuugo ah ay ka xadaan.

Iyadoo u diyaar garoobeysay dib uga bilaabidda Barnaamijkeeda gargaarka cunto ee Kismaayo, WFP waxay tababareysay la howl-galeyaasheeda gudaha waxayna 1,100 mitrik tan oo cunto ah kusoo daabushay magaalo-dekadeedka-isla markaana ku filan barnaamijka cuntada karsan ee diyaarsan muddo saddex bilood ah iyo barnaamijka nafaqeynta muddo lix toddobaad ah.

WFP waa Hay`adda gargaar ee ugu weyn caalamka ee la dagaallanta gaajada dhammaan dunida. Sanad kasta, celcelis ahaan, WFP waxay quudisaa in ka badan 95 milyan oo qof oo ku nool in ka badan 75dal.

Somalisan.com
 


Warar kale oo xiiso leh halkaan ka aqriso.


FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.

Fikirkaaga hoos kadhiibo:





Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com