" />

VIDEO Sheekh C/qaadir Nuur Faarax oo lagu dilay magaalada Garoowe iyo qaabkii loo Qabtay nin dilkiisa lagu tuhmayo Daawo VIDEO laga soo duubay ninka la sheeegay in uu dilay sheekh

2/16/2013 5:35:00 A


Daawo VIDEO laga soo duubay ninka la sheeegay in uu dilay sheekh

War goor dhow soo gaaray ayaa sheegaya in  Sh. C/qaadir Nuur Faarax oo ka mid ah Culumada ugu waaweyn dalka Soomaaliya lagu dilay magaalada Garoowe ee xarunta Maamulka Puntland. ayaa waxaa lagu dilay masjidka ku yaal garawe sida warar hordhac ah ay nagu soo gaarayaan.

.
Wararka ugu horeeya ayaa sheegaya in Sheekh C/qaadir lagu dilay afaafka hore ee masjidka Beder ee ku dhow gurigiisa bartamaha magaalada Garowe waxyar ka dib markii uu soo tukaday Salaadii Casar.
 
Warar kale ayaa sheegaya in Sheekh C/qaadir lagu dhex dilay masjidka Beder oo uu Salaada lagu jiray, isla markaana ninka toogtay Sheekha uu kula jiray masjidka.
 
Labo ruux oo kale oo ah wiil iyo gabar ayaa la sheegayaa inay goobta ku dhaawacmeen ka dib markii ninkii dilay wadaadka uu rasaas badan ku furay.
 
Meydka Sheekh C/qaadir Nuur Faarax ayaa loo qaaday gurigiisa, waxaana goobta soo gaaray ciidamo ka tirsan kuwa maamulka Puntland dilka Sheekh ka dib.
 
Gudoomiyaha gobolka Nugaal Cabdi Xersi Cali “Qarjab” oo goordhow Saxaafada  la hadlay ayaa sheegay in lagu hayo ninkii dilka geystay ka dib markii dadkii meesha joogay ay ku xoomeen ninkaasi oo watay bastoolad.

 Goob jooge ku sugnaa goobta dilku ka dhacay ayaa sheegay in ay ku baraarugeen Dhawaaqa Xabada iyo orodka nin uu ku tilmaamay in uu 19sani jir yahay kaasi oo waqtigii uu ordayay Xabado sii ridayay si aysan dadku gacanta ugu dhigin kadib markii uu hubsaday in uu dilay sheikh C/qaadir Nuur Faarax.

“ Anagoo xabada maqleyna ayaa waxaan aragnay nin gacmaha ku sita 2ba biskoolado aadna u neef tuuraya uuna eryanayo wiil uu dhalay sheikh C/qaadir kaasi oo lahaa ii qabta wuxuu dilay aabahay, markii baan ninkii dhinacyada ka marnay inagoo badan oo dhawr dhalinyaro ah wuxuu nagu riday rasaas badan waxaana ku dhaawacmay haween oo xabadu caloosha ka haleshay wiil ay lugta kaga dhacday iyo mid kale oo isagana ay gacanta ka heshey xabadu, waxaan isku taxluujinay in uusan naga fakan alle ayaa inoo hiiliyay oo rasaastii baa ka dhamaatay kadibna waan qabanay oo dhalinyaradii baa caradii kula dul dhacay oo dhagxaan la dhacay isagoo qeylinaya, ayuu Yiri Mustafe  .
 
Goob joogahan ayaa sidoo kale sheegay in intii Dagaalka kula jireen ninkan aysan ciidanku u imaan balse ay iyagu ku dadaleen in uusan baxsan oo ay ku hareereeyeen Xaafada Hodan aga gaarka Masjid Badar oo ah meesha Shiikha lagu dilay.
 
“ Markiiba isagoo Qaylinaya oo ku haya ha idilina ayaan gaari Caanoole ah saarnay si aan Ciidanka ugu Wareejino laakiin Markiiba waa ay yimaadeen waxaana la wareegay Ciidanka Dowlada guud ahaanah isku gadaamay halka uu shilku ka dhacay, Ninkuna wuxuu u muuqday nin 19jir ah wuu casaa foolna wuu ka jabnaa Cabsi iyo argagaxna wuu ka muuqday oo ma uusan is lahayn waa lagu qabanayaa, ayuu Mustafe hadalkiisa sii raacshay.
 
Shiikha ayaa iminka yaala isbitaalka weyn ee Magaalada Garoowe alle ha u naxariistee waxaana la filayaa in uu halkaasi gaaro Madaxweynaha Puntland Dr Cabdiraxmaan Faroole sida ay wararku nagu soo gaarayaan si uu uga tacsiyeeyo Geerida  ku timi Shiikh C/qaadir Nuur Faarax iyadoo aan idinla soo socod siin doonno hadba Wararkii ku soo kordha Dilka Shiikha

Ma jirto illaa hadda cid si gaar ah loogu eedeeyay inay ka dambeyso dilka Sheekh C/qaadir. Hase yeeshee waxaa horey u jirtay digniino fara badan oo Al Shabaab ay u jeediyeen Sheekh C/qaadir oo marar badan si muuqata u weeraray dagaalka Al Shabaab ay ka wadaan gudaha Soomaaliya.


Xaalada magaalada Garowe ayaa aad u kacsan waxaan dadku hadalhayaan dilka Sheekh C/qaadir oo ka mid ahaa culimada waaweyn ee Jameecada Ictisaam (Al Itixaadkii hore) oo si weyna looga yaqaano guud ahaan dalka.
Waa Sheekhii labaad oo ka mid culimada Puntland oo la dilo, iyadoo 5-tii Disembar 2011magaalada Boosaaso lagu dilay Sheekh Axmed Xaaji C/raxmaan oo isaguna culimada caanka ka mid ahaa ahaana macalin wax ka dhiga jaamacadda Bariga Afrika ee Boosaaso.
Allah ha u naxariisto Sheekh C/qaadir Nuur Faarax.

Warar kale oo xiiso leh halkaan ka aqriso.


FG: Shabakada Wararka ee Somalisan Mas'uul kama ahan Cidii ku xadgudubto Shaqsi Raalina kama noqonayso Somalisan.com.

Fikirkaaga hoos kadhiibo:





Nagala Soo Xiriir: +252695576666/+252615576666//+252699907666 somalisan@hotmail.com / somalisan@gmail.com