Kulan balaaran oo ay iskugu yimaadeen Saraakiil kamid ah Ururka Xisbul islaam iyo Odoyaasha iyo waxgadka beesha jajeelle, ayaa ka shalay gilinkii danbe ka dhacay Hotel peace ee galbeedka Magaalada B/weyne.

Fadhigan oo mudo saacado ah socda ayaa waxaa looga hadlaayay sidii ay beesha ku taageeri lahayd Maamulka Ururka Xisbul Islaam,islamarkaasina ku qaadan lahaayeen ku dhaqanka Shareecada islaamka,iyo in beesha kasoo saarto maleeshiyooyin kamid ah oo lasafan dhinacyada Ahlu suna iyo Dowlada KMG ah.

Nabadoon Daahiye Uulow oo kamid ah waxgadkii ka qayb galay kulankan oo saxafada lahadlay ayaa waxaa uu sheegay,in beesha ay saacdan laga bilaabo ay raacsan yihiin Maamulka Xisbul Islaam,cidii dood ka qabtaana oo kamid ah beesha ay ka hadli karaan.
Sh,Salmaan Sahal Muuse oo kamid ahaa saraakiishii ka qayb qaadatay kulamadan, ayaa waxaa uu sheegay in dhamaan beesha Jajeelle isla garteen qodobadii laysla soo qaaday,islamarkaasina ay rajaynayaan in kulamo nuucaan ah laqaataan dhamaan beelaha kale ee daga Gobolka.

Kulamadan ayaa sida muuqata waxa ay yihiin mid Xisbul Islaam ku doonayaan sidii ay ku kasban lahaayeen beelaha daga Gobolka Hiiraan,waxaana ay kusoo beegmayaan xili dhaq-dhaqaaqyo ka dhan ah Xisbul Islaam iyo Shabaabul Mujaahidiin qaybo kamid ah Gobolka ka wadaan Ciidamo kala taabacsan Dowlada Iyo Ahlu suna Waljameeca.

geedibwyn@hotmail.com

Muuse maxamuud Jiisow
somalisan39@hotmail.com
Muqdisho Bakaaro Somalia
00252-1-5576666
00252-50-907666