Ergo ka socota dhinacyada dawladda KMG ah oo maamusho inyar oo ka mid ah Muqdisho iyo cidamda ahlu diinka ee Ahlu waljameeca oo ay xubno ka yihiin saraakiishii argagaxiso la dirirka iyo xubno kale oo ka soo go.ay dhanka dowlada iyo dhanka xoogaga wax iska caabinta isla markaana ka talisa degmooyin ka mid ah Galguduud ayaa iskugu tagay, markii labaad dalka Itoobiya, iyagoo ka wada hadlaya qorshe ay ku midoobayaan, oo ay gadaal ka riixayso dawladda Itoobiya iyo dawladda Mareykanka oo doonaya in ay labada dhinac isku milmaan, iyagoo aan horay ukala fogeyn ama kala mawqif fogeyn.

Xubnaha dhinacyada ayaa todobaadkii ugu dambeeyey ku jiray latashiyo kala gedisan, oo ay la kulmayen dhinacyada ay matalayeen, waxa ayna kala hadleeyaan sidii ay uarkayaan qodobada ay ka soo qaadeen shirkii magaalada Addis Ababa ee ay soo qabanqaabiyeen dawladdaha Itoobiya iyo Mareykanka.

Ka qeybgalayaasha qaarkood ayaa sheegay 12-ka bishan ay saxiixi doonaan heshiiska rasmiga ah, kaas oo lafilayay in la saxiixo horaantii bishan, balse ka fuli waayay dhinaca Kooxda Ahlu Suna oo isku khilaaftay heshiiskaasi, hadeerna la rumeysan yahay in uu wali jiro khilaaf udhaxeeya.



Dawladda Itoobiya oo howsha garwadeenka ah ayaa doonaysa in ay labada dhinac si deg deg ah qodobadooda usaxiixaan, isla markaasna ay go’aan rasmi ah ka gaaraan xaaladaha labada dhinac udhaxeeya, iyadoo ka dibna doonaysa in ay taageero Milateri siiso Maleeshiyaadka dhinacyada ee jooga deegaanada xadka ah, si ay weerar ugu qaadaan goobaha ay gacanta ku hayaan Islaamiyiinta Soomaaliya.

Qodobadii hore qaarkood ayaa lafilayaa in ay Ahlu Suna codsadaan in wax laga badalo, isla markaasna ay ku daraan qodobo ay kala tagaan Saaxiibadooda jooga dalka, oo ay isku khilaafen qodobada qaarkood, waxaana sidoo kale meesha looga dhawaaqi doonaa jagooyinka ay kooxdaas helayso.

Muuse maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666