Ka dib markii uu cirka isku shareeray dacwooyin xoogan oo loo
heysatay dhamaan shaqaalaha iyo milkiilaha shabakada baaxada weyn
ee Facebook ayaa waxaaa haatan ay mareysaa dacwadaasi heer maxkamadeed.
Mark Zuckerberg oo ah agaasimaha guud ee shabahadaasi ayaa haatan
waxaa si gooni ah loogu heystaa in uu ka danbeyay dhac badan oo
loo geystay macaamiisha adeegsatada facebook.
Zuckerberg madaxa Website-ka Facebook oo ah aalada xiriirka dadweynaha
ee aduunka ugu horeysa ayaa la sheegay in uu laba jeer uu quftey
xogta iyo sirta web site-ka BusinessInsider.com oo ah mid tartan
kula jira web-ka Facebook ee xiriirka dadweynaha.
Sidoo kale, Zuckerberg oo sheegtey in uu leeyahay fikrada aasaaska
Facebook waxaa hadalkaasi ku gacan sayrey ardey ay wax iska baran
jireen Kuliyada Harvard’s kuwaasi oo ku eedeeyey ninkaasi
uu ka xadey fikrad ay u soo jeediyeen in uu wax kala qabto oo
aheyd sameynta web site bulshada aduunka isku xira, waxaana eedeynta
lagu sheegay in Zuckerberg markii uu helay fikirkaasi uu iskiis
u sameystey Facebook arintaasi oo ilaa iyo hada dacwada ku saabsan
ay wali ka socoto maxkamadaha wadanka Mareykanka.
Wargeyska ay soo saareen ardeyda Jaamacada uu dhigan jirey Zuckerberg
oo lagu magacaabo Crimson ayaa sanadkii 2004-tii waxaa lagu qoray
maqaal isaga ku saabsan, waxaana la sheegay in uu xiligaasi jabsadey
e-mailka wargeyska Crimson, sidoo kale waxaa eedeynta lagu sheegay
in wiilkaasi quftey e-mailada wariyeyaal.
Eedeymaha loo haysto Agaasimaha Facebook waxaa lagu sheegay in
ay ku kici karaan aduun lacageed oo gaaraya 65 milyan oo doolar.
Dacwad ay qaaday maxkamada Boston sanakdii 2007-dii waxaa lagu
xukumay maamulka Facebook inay bixiyaan 65 milyan oo doolar taasi
oo ku aadan eedeymaha maskaxdii sameynta Facebook, inkastoo qoraal
ahaan iyo taariikh ahaan loo helay in xubno ay ka mid yihiin Dustin
Moskovitz, Eduardo Saverin, and Chris Hughes ay kula qoran yihiin
inay ka mid yihiin aasaasayaasha Facebook oo ay hada isticmaalaan
350 milyan oo qof oo dunida daafaheeda ku dhaqan.
Muuse maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666
|
