mudo halsano oo ay xirnanyeen ka dib ayaa 7 ka mid ah ilaa maxaabiis burcad badeed somaliyeed oo gareysa 100 waxaa ay ka soo hormuuqdeen maxkamad ku taal dalka kenya taas oo ku riday 20 sanno oo xarig adaga ah midkiiba

Maxkamad ku taalla dalka Kenya ayaa ku xukuntay 7-burcadbadeed oo ay soo qabteen ciidamada NATO ee ku sugan Xeebaha Somalia sannadkii 2008 min sideed sano oo xarig ah.

Dhallinyaradan ayaa la sheegay inay isku dayayeen xilligaas inay dhac u geystaan markab ganacsi oo lagu magacaabo MV Powerful kaasoo ku safarayay Gacanka Cadan halkaasoo ah goobta ugu mashquulka badan Adduunka ee ay marakiibtu maraan.

Burcadbadeeddan ayaa lagu xukumay min 20-san ooo xariga ah iyagoo ku biiraya 10-burcadbadeed oo horay xukun min 7-sano ah loogu riday, kuwaasoo ku xiran xabsi ku dhow Magaalada Mombassa ee dalka Kenya.

Howlgalkii lagu soo qabtay burcadbadeeddan xukunka lagu riday shalay oo Arbaco ahayd ayaa waxaa ku dhintay laba ka mid ah saaxiibadood, kaddib markii uu dagaal dhexmaray iyaga iyo Markab dagaal oo Ingiriisku leeyahay.


Qaaliga Maxkamadda xukunka fulisay ayaa sheegay in dacwaddooda ay muddo dheer soo socotay ayna ugu dambeyn qaateen go'aanka ah inay maxkamada hor keenaa, ayna ku xukumaan sannado badan dambigooda awgood.

Dalka Kenya ayaa waxaa lagu hayaa 100-qof oo looga shakisan yahay inay yihiin burcadbadeed, iyadoo sarkaal u hadlay Booliisku uu sheegay inay yihiin Maxkamad sugayaan lana soo taagi doono goor dhow maxkamado.

Muuse maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666